就係我搵緊京都古老大屋嘅時候，無意中俾我睇到一個頻道介紹嘅一本書《陰翳禮讚》，呢本書主要講日本文化東方美，譬如微弱透光嘅紙拉門做出嚟嘅陰影，金箔屏障反射出蠟燭嘅微光，用黑漆做嘅湯碗裝滿浮而不沉嘅味噌，特登專登去乘搭慢車或三等箱，描述東方人生活嘅節奏以及美嘅哲學。睇完呢本書先發覺原來係某程度上我對於事物、創作、生活都不知不覺甚至更早已經認同呢種「東方美」。就好似書中提及到，怠慢嘅思維唔一定俾一直衝嘅思維差，冇慢落嚟就好難睇到一啲微細瑣碎嘅事物，更唔能夠從中得到無限嘅啟發。